20 гыйнварга каршы төндә Казан урамнарын җыештырырга 418 берәмлек техника һәм 54 юл эшчесе чыгачак

Шәһәр халкыннан үзләренең автомобильләрен юл читендә калдырмауларын сорыйлар.

Фото: Денис Гордийко

(Казан шәһәре KZN.RU, 19-нчы гыйнвар). Бүген төнлә Казан урамнарын кардан чистартырга 54 юл эшчесе һәм 418 берәмлек махсус техника, шул исәптән 77 катнаш юл машинасы, 72 трактор щеткасы, 151 үзбушаткыч, 64 фронталь төягеч, 12 «Барсик» минитөягече һәм башкалар чыгачак.

Кар чыгару Әпсәләмов, Адоратский, Фатыйх Әмирхан, Баруди, Батурин, Бауман, Большая Красная, Петр Витер, Восстание, Гаврилов, Гоголь, Девятаев, Декабристлар, Дементьев, Зорге, Ибраһимов, Комаров, Копылов, Олег Кошевой, Курск, Гадел Кутуй, Кремль, Ленинград, Лобачевский, Карл Маркс, Максимов, Маршрут, Межлаук, Меридиан, Миславский, Можайский, Нариманов, Островский, Сеченов, Спартак, Тихомирнов, Тэцевская, Фрунзе, Фучик, Четаев, Чистай, Чуйков, Япеев урамнарыннан, Ямашев проспекты, Оренбург тракты һәм башка участоклардан башкарылачак.

Кайбер участокларда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Исегезгә төшерәбез, шәһәрдә кар чистарту буенча кайнар линияләр эшли. Район администрацияләренә дә, «Ачык Казан» сервисы аша да мөрәҗәгать итәргә мөмкин.

Шулай ук укыгыз

Барлык яңалыклар