Казанда 2 нче декабрьгә каршы төндә томан көтелә

Татарстан буенча урыны белән -20 градуска кадәр булачак.

Фото: Денис Гордийко

(Казан шәһәре KZN.RU, 1 нче декабрь). Синоптиклар фаразлавынча, якын көннәрдә Татарстан антициклон йогынтысында булачак. Болытлар кимиячәк, явым-төшем туктый, температура төшәчәк.

Иртәгә, 2 нче декабрьдә, республикада азрак кар явачак. Төнлә һәм иртән урыны белән томан булырга мөмкин. Төнге сәгатьләрдә һава температурасы -10-15 градус, аязганда -20 градуска кадәр булачак. Көндез 8-13 градус салкын көтелә. Юлларда бозлавык сакланачак.

Казанда аязучан болытлы булачак, явым-төшем көтелми. Төнлә томан булырга мөмкин. Төнлә һава температурасы минус 15 градуска, көндез минус 10 градуска кадәр төшәчәк. Юлларда бозлавык саклана, дип хәбәр итә ТР Гидрометеорология үзәге.

Шулай ук укыгыз

Барлык яңалыклар