В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Һава температурасы төнлә минус 15-17 градуска җитәчәк, аязган вакытта 22 градуска кадәр төшәчәк.
(Казан шәһәре KZN.RU, 18-нче декабрь). Казанда төнлә кыраулар көтелә. Һава температурасы минус 15-17 градуска җитәчәк, аязган вакытта минус 22 градуска кадәр төшәчәк. Кайбер районнарда синоптиклар томан фаразлый.
Тулаем алганда, 19 декабрьдә шәһәрдә аязучан болытлы һава көтелә, урыны белән кар явачак, төньяк-көнбатыштан талгын җил. Көндез һава температурасы минус 4-6 градустан түбән булачак.
Татарстан буенча шулай ук аязучан болытлы һава көтелә, урыны белән кар явачак, төнлә һәм иртән аерым районнарга томан төшәчәк. Казандагы кебек үк, төньяк-көнбатыштан талгын җил көтелә. Төнлә һәм иртән һаваның минималь температурасы минус 14-19 градус тәшкил итәчәк, аязган вакытта – минус 24 градус. Көндез температура күрсәткечләре нульдән 11-16 градуска кадәр түбән булачак. ТР Гидрометеорология һәм әйләнә-тирә мохитне күзәтү идарәсе халыкны республика территориясендә бозлавык турында кисәтә.