18 гыйнварга каршы төндә Казан урамнарын җыештырырга 388 берәмлек техника һәм 57 юл эшчесе чыгачак

Казанлылардан шәхси транспортларын юл кырыйларында калдырмауларын сорыйлар.

Фото: Марат Мугинов

(Казан шәһәре KZN.RU, 17-нче гыйнвар). Бүген төнлә Казан урамнарын кардан чистартырга 57 юл эшчесе һәм 388 берәмлек махсус техника, шул исәптән 74 катнаш юл машинасы, 61 трактор щеткасы, 148 үзбушаткыч, 58 фронталь төягеч, 12 «Барсик» минитөягече һәм башка машиналар чыгачак.

Карны түбәндәге урамнардан чыгарачаклар: 2 нче Азино, Айвазовский, Әмирхан, Бауман, Бичурин, Бутлеров, Вахитов, Воровский, Восстание, Гаврилов, Губкин, Гудованцев, Девятаев, Дзержинский, Декабристлар, Дементьев, Журналистлар, Зәкиев, Короленко, Красная Позиция, Курск, Гадел Кутуй, Ленинград, Лена, Патрис Лумумба, Ижевск, Исхакый, Карл Маркс, Кече Мәскәү, Меридиан, Миңнуллин, Мусин, Нариманов, Николаев, Париж Коммунасы, Песочная, Петербург, Профсоюз, Пушкин, Таежная, Тихомирнов, Тэцевская, Урицкий, Фукс, Фучик, Клара Цеткин, Черноморская, Чуйков, Шоссе, Шуртыгин, Щапов, Яруллин, шулай ук Ибраһимов һәм Җиңү проспектларыннан.

Кайбер урамнарда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр Казан Башкарма комитетының Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар