1 майга каршы төндә Казанда Фучик урамы хәрәкәт өчен ябылачак

Хәрәкәттәге чикләүләр юл эшләре башкару белән бәйле.

(Казан шәһәре KZN.RU, 30-нчы апрель). Казанда берничә сәгатькә Фучик урамы хәрәкәт өчен ябыла. Юл ябылу 30-нчы апрельнең 20.00 сәгатеннән 1-нче майның 6.00 сәгатенә кадәр Зорге урамыннан Җиңү проспектына таба юнәлештә гамәлдә булачак.

Хәрәкәттәге чикләүләр юл эшләре башкару белән бәйле. Тышкы төзекләндерү комитеты хәбәр иткәнчә, җәмәгать транспорты хәрәкәте схемасы үзгәрмәячәк.

Казан Башкарма комитеты автомобиль йөртүчеләрдән, юлның ябык участогын исәпкә алып, үз маршрутларын алдан планлаштыруларын сорый.

Шулай ук укыгыз

Барлык яңалыклар