Эшләми торган көннәрдә Татарстанның күп функцияле үзәкләре 93 меңнән артык хезмәт күрсәткән

Шуларның 43 меңе – вакцинация турында сертификат алу өчен бердәм идентификация һәм аутентификация системасында хисап язмасын раслау буенча.

Фото: Марат Мугинов

(Казан шәһәре KZN.RU, 9-нчы ноябрь). Эш атнасы булмаган чорда, 30-нчы ноябрьдән 7-нче ноябрьгә кадәр, татарстанлыларга КФҮ офисларында 93 меңнән артык хезмәт күрсәтелгән, шуларның 43 меңе – РФ дәүләт хезмәтләре порталында вакцинация турында сертификат алу өчен бердәм идентификация һәм аутентификация системасында хисап язмасын раслау.

Мондый мөрәҗәгатьләрнең күпчелеге 1-нче ноябрь көнне теркәлгән – 8 меңнән артык. Өч бәйрәм көне, 4-нче, 6-нчы һәм 7-нче ноябрь көннәрендә, тулаем республика буенча «Минем документлар» офисларына бердәм идентификация һәм аутентификация системасында һәр теләүчегә хисап язмасын раслау өчен 7 меңнән артык кеше мөрәҗәгать иткән.

Якын арада бу хезмәткә ихтыяҗ артачак, дип ышаналар белгечләр, шуңа күрә күп функцияле үзәкләр ялларсыз эшләүләрен дәвам итәчәк, дип хәбәр итә ТР Саннар министрлыгының матбугат хезмәте.

Исегезгә төшерәбез, яңа чикләүләр кертү, шул исәптән кайбер җәмәгать урыннарында QR-код күрсәтү кирәклегенә бәйле, Татарстанның күп функцияле үзәкләре октябрьдә көчәйтелгән эш режимына күчте. Эш көннәрендә филиаллар бердәм идентификация һәм аутентификация системасында хисап язмасын раслау өчен өстәмә рәвештә эшли, ә якшәмбе көнне «Минем документлар» офислары бары тик QR-код алу белән бәйле хезмәтне генә күрсәтә.

Шулай ук укыгыз

Барлык яңалыклар