Казанның Вахитов районындагы кайбер йортларда 23 нче майда бер көнгә суны өзәчәкләр

Бу суүткәргеч чыгару эшләре белән бәйле.

Фото: Денис Гордийко

(Казан шәһәре KZN.RU, 18 нче май). 23 нче майда Казанның Вахитов районындагы кайбер йортларда су белән тәэмин итү туктатылачак. Бу Островский урамында суүткәргеч чыгару буенча эшләр башкару белән бәйле.

23 нче майның 9:00 сәгатеннән 24 нче майның 6:00 сәгатенә кадәр Миңнуллин ур., 8а, Назарбаев ур., 10, 10 корпус 1, 12, 12в, Ново-Песочная ур., 40, 44, Островский ур., 107, Павлюхин ур., 37, Спартак ур., 14, 22, 53 (24 нче балалар бакчасы), 81, 87, 89, Сәлимҗанов ур., 17, 27, 29 адреслары буенча су бирү туктатылачак.

«Водоканал» МУП халыктан алдан ук су запасы җыеп куюларын сорый. Автоцистерналар кабул ителгән гаризалар буенча урнаштырылачак, алар +7(843)231-62-60 телефоны буенча кабул ителә.

Шулай ук укыгыз

Барлык яңалыклар