Совет районының кайбер йортларында бер тәүлек су булмаячак

Сәбәбе — күчерелгән суүткәргеч участогын тоташтыру

Казанның Совет районындагы кайбер йортларында яшәүчеләр бер тәүлеккә сусыз калачак. Бу «Юлиус Фучик урамы» станциясе төзелеше кысаларында күчерелгән суүткәргеч участогын үзәкләштерелгән су белән тәэмин итү челтәрләренә тоташтыруга бәйле.

29 октябрьнең 9:00 дан 30 октябрьнең 9:00 га кадәр түбәндәге адреслар буенча суны сүндерәчәкләр:

Академик Сахаров ур., 6, 8, 16Б, 16Б 1 нче корпусы;

Г.Кайбицкая урамындагы 6а номерлы йорт;

Зәкиев ур., 10, 12а, 12а/1, 12а (1 нче корпус), 12а (3 нче корпус), 14, 16, 17, 17а, 20 (1 һәм 2 нче корпуслар), 24, 39, 41, 41а, 41б, 43, 43а.

Сулы автоцистерналар урнаштыруга гаризаларны +7(843)231-62-60 телефоны буенча кабул итәләр, дип хәбәр иттеләр «Водоканал» МУП.

Шулай ук укыгыз

Барлык яңалыклар