ТР Милли музеенда Петергофтан китерелгән стенд күргәзмәсе ачылачак

Экспозиция Петр I ассамблеялары тарихына багышланган.

Фото: Казан шәһәре KZN.RU

(Казан шәһәре KZN.RU, 12 нче декабрь). 15 нче декабрьдә Татарстан Республикасы Милли музеенда Петр I ассамблеялары тарихы темасына стенд күргәзмәсе ачылачак.

Экспозиция Петр заманының тарихи-мәдәни тикшеренүләренә, замандашларының язма һәм истәлекләренә, документаль дәлилләргә таянып төзелгән. Визуаль рәтләрдә Петр I мемориаль әйберләре һәм «Петергоф» дәүләт музей-тыюлыгы фондларыннан тематик әйберләр күрсәтелгән.

Ассамблеялар – 1718 елның 26 нчы ноябрендә оештырылган мәҗбүри булмаган күңел ачу чаралары.

Очрашулар Россиянең үзгәрешендә катнашучыларны – адмиралларны һәм мастеровойларны, офицерларны һәм сәүдәгәрләрне берләштергән. Ассамблеялар ярдәме белән Петр I илгә аның чакыруы буенча килгән чит ил кешеләре белән элемтәләрне җайга салырга омтылган. Ассамблеялар балларга нигез салган, алар музыка, сәнгать үсешенә, яңа мода, кухня, этикет кертүгә ярдәм иткән.

«Күңел ачу өчен генә түгел, эш өчен дә. Бөек Петр ассамблеялары тарихы» дип аталган күчмә күргәзмә «Петергоф» дәүләт музей-тыюлыгында Петр I тууына 350 ел тулуга оештырылган. Проект Санкт-Петербургта, Воронежда, Мәскәүдә һәм Бөек Лукада булган, дип хәбәр итә ТР Милли музее матбугат хезмәте.

Күргәзмә 15 нче декабрьдә 14:00 сәгатьтә ачыла. Музейга билетлар, шулай ук «Пушкин картасы» буенча керергә мөмкин. Экспозиция 30 нчы гыйнварга кадәр булачак.

Исегезгә төшерәбез, ТР Милли музее һәм республиканың башка 9 музее ел ахырына кадәр балаларны бушлай кабул итәчәк. Мәдәни учреждениеләргә балалар белән бергә бер озатучы да керә ала.

Шулай ук укыгыз

Барлык яңалыклар