Илкүләм донор көнендә казанлылар республиканың кан банкын тулыландыра алачак

Шулай ук сөяк мие донорлары регистрына язылу узачак.

Фото: Денис Гордийко

(Казан шәһәре KZN.RU, 14 нче апрель).20 нче апрельдә, Илкүләм донор көнендә, Казанда кан тапшыру буенча язгы акция узачак. Шәһәр халкының квизда катнашу һәм сөяк мие донорлары регистрына керү мөмкинлеге бар.

18 яшьтән өлкәнрәк һәр теләгән кеше кан тапшырып, кемнеңдер гомерен саклап кала ала. Донорлар 55 килограммнан артык авырлыкта булырга тиеш һәм процедураны үткәрүнең зарарлы булуын күрсәтә торган билгеләр булмавы мөһим. Акциядә катнашу өчен алдан түбәндәге сылтама буенча теркәлергә кирәк. Донорлар өчен бәйрәм программасы һәм истәлекле сувенирлар әзерләнгән.

Акция 8:00 дән 12:00 гә кадәр Республика кан үзәгендә Җиңү проспекты, 85 адресы буенча узачак. Аны «Игелекле Казан» коммерциягә нигезләнмәгән автоном оешмасы «КФУ – игелекле кешеләр планетасы» иреклеләр үзәге белән берлектә, DonorSearch.org кан донорлары берләшмәсе, «Татнефть» хәйрия фонды һәм Идел буе сөяк мие донорларының регистры ярдәмендә оештыра.

«Игелекле Казан» коммерциягә нигезләнмәгән автоном оешмасы кан тапшырырга теләүчеләр моны акция көнендә генә түгел, эш көннәрендә дә башкара ала, дип хәбәр итә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар