ТР Милли китапханәсендә ретрофутуризм турында лекция узачак

Очрашуда танылган язучылар Жюль Верн, Герберт Уэллс һәм Уильям Гибсон турында фикер алышачаклар

Фото: Денис Гордийко

(Казан шәһәре KZN.RU, 11 нче декабрь). ТР Милли китапханәсендә 16 нчы декабрьдә «Әдәби резиденция» проектының очрашу циклыннан «Ретрофутуризм: киләчәккә кире кайту» лекциясе узачак. Чарада язучылар, филологлар, әдәби күзәтүчеләр һәм тәнкыйтьчеләр «узган гасыр язучылар киләчәкне ничек күргән?» дигән сорауга җавап эзләячәкләр.

Оештыручылар хәбәр иткәнчә, ретрофутуризм – фантастика жанры, ул үткәннән киләчәк турында күзаллауларга нигезләнә. Популяр юнәлешләрнең берсе булып стимпанк, киберпанк, дизельпанк һәм атомпанк тора.

Экспертлар фәнни фантастикага нигез салучылар Жюль Верн, Герберт Уэллс, Уильям Гибсонның әсәрләре ретрофутуризмда язылганмы-юкмы икәне турында фикер алышачак. Һәм әлеге категориягә шулай ук Владимир Сорокинның «Доктор Гарин» һәм Михаил Елизаровның «Китапханәче» әсәрен кертеп булу-булмавы турында сөйләшәчәкләр.

Кунаклар алдында язучы, әдәби тәнкыйтьче, «Лицей», «Йолдыз билеты» премияләре лауреаты Булат Ханов, филология фәннәре кандидаты, КФУның чит ил әдәбияты кафедрасы доценты Зөлфия Зинатуллина, социаль һәм сәяси фәлсәфә һәм тарих кафедрасы аспиранты Иван Ротов чыгыш ясаячак.

Барлык теләүчеләр өчен керү алдан теркәлү буенча ирекле. Кунакларны күргәзмә залында 17:00 сәгатьтә Пушкин урамы, 86 адресы буенча көтәчәкләр.

Шулай ук укыгыз

Барлык яңалыклар