Киләсе атна башында Татарстанда 25 градуска кадәр җылына

Иртәгә Казанда зур булмаган яңгырлар көтелә

Якындагы ике көндә Татарстанда төньяк-көнбатыш җил, аз һәм уртача яңгырлар көтелә. Төнге сәгатьләрдә температура +8..+14 градус. Җомга көнне көндез термометр баганаларын +14..+19 градус күрсәтәчәк, ә шимбә – +18..+23 градус.

Иртәгә Казанда аязучан болытлы һава, вакыты-вакыты зур булмаган яңгыр көтелә. Төнлә һава температурасы +10..+12 градус, көндез +16..+18 градуска кадәр җылына.

Якшәмбе, 18 августта, синоптиклар Татарстанда кыска вакытлы яңгырлар вәгъдә итә. Төнлә +10..+15 градус, көндез +19..+24 градус көтелә.

Татарстан Республикасы Гидрометүзәге алдан фаразлаганча, республикада киләсе атна башында җылыту булачак. Көндезге сәгатьләрдә һава +20..+25 градуска кадәр җылыначак. Дүшәмбе урыны белән яңгырлы һава торышы сакланачак, ә сишәмбе явым-төшемсез булачак.

Шулай ук укыгыз

Барлык яңалыклар