«Казан Кремле» музей-тыюлыгында «Разговор о важном» циклыннан очрашу була

Анда «Э-моция» иҗат инклюзив студиясе актрисалары катнашачак.

Фото: Денис Гордийко

(Казан шәһәре KZN.RU, 17 нче март). 19 нчы мартта «Казан Кремле» музей-тыюлыгында «Инвалид коляскалардан файдаланучы кешеләр» дигән темага очрашу була.

Чарада инвалид кешеләргә карата кулланыла торган корректлы терминология, инвалидлар өчен коляскалар кулланучы кешеләр белән аралашуның төп кагыйдәләре, шулай ук иҗатның чикләре һәм киртәләре булмавы турында сөйләшәчәкләр. Спикерлар – «Э-моция» иҗат инклюзив студиясе җитәкчесе, актрисасы Инесса Клюкина һәм шул ук студия актрисасы Надежда Сиянчук.

Очрашу 17:00 дә башлана, дип хәбәр итә «Казан Кремле» музей-тыюлыгы матбугат хезмәте.

Керү бушлай, алдан сылтама буенча теркәлергә кирәк.

Чара 12 нче мартта старт алган «Разговор о важном» темасына шәһәр халкы өчен оештырылган очрашулар циклы кысаларында узачак. 26 нчы март көнне «Смена» заманча мәдәният үзәгендә сукырлар һәм начар күрүчеләрнең шәһәрдәге тормышы турында фикер алышачаклар. Спикерлар булып «Другие люди» волонтерларның инициатив төркемен оештыручылар Руслан Фәррахов һәм Кристина Крылова торачак. 2 нче апрельдә «Казан Кремле» музей-тыюлыгының Гавами тыңлаулар була торган бинасында аутизм һәм инклюзив белем бирү турында сөйләшү көтелә. Очрашуда Казанның 1 нче номерлы мәктәбенең укыту эшләре һәм инклюзив белем бирү буенча директор урынбасары Ольга Фәйзуллина чыгыш ясаячак.

Шулай ук укыгыз

Барлык яңалыклар