«Казан Кремле» музей-тыюлыгында Белем көнен билгеләп үтәчәкләр

Шәһәрлеләр интерактив уеннарда, иҗади дәресләрдә, шулай ук мастер-классларда, лотереяларда, квестларда һәм тематик экскурсияләрдә катнаша алачак.

(Казан шәһәре KZN.RU, 27-нче август). 1-нче сентябрьдә «Казан Кремле» музей-тыюлыгында Белем көнен бәйрәм итәчәкләр. Шулай ук Благовещение соборы тарихы музееның биш еллыгына багышланган «Благовещение соборы» буклетын тәкъдим итү булачак.

Белем көнендә музей-тыюлыкка килүчеләр интерактив уеннарда, иҗади дәресләрдә, шулай ук мастер-классларда, лотереяларда, квестларда һәм тематик экскурсияләрдә катнаша алачак. Чаралар «Эрмитаж-Казан» үзәгендә, татар халкы һәм ТР дәүләтчелеге тарихы музеенда, ТР Табигый тарих музеенда, Ислам мәдәнияте музеенда, шулай ук Артиллерия сарае музеенда һәм «Манеж» күргәзмә залында узачак.

Белем көнендә «Казан Кремле» музей-тыюлыгы программасы:

10.00 сәгатьтә «Эрмитаж-Казан» үзәгендә «Матисс. Пикассо. Шагал…» күргәзмәсендә «Сәнгатькә сәяхәт» уен программасы булачак.

12.00 сәгатьтә башлангыч сыйныф укучылары өчен «Сәнгатькә сәяхәт яки рәссамнар турында» интерактив программасы старт ала.

13.00 сәгатьтә урта һәм өлкән яшьтәге мәктәп укучылары өчен «Сәнгатькә сәяхәт» программасы узачак.

14.00 сәгатьтә «Матисс. Пикассо. Шагал…» күргәзмәсе буенча «Матисс кебек буя» экскурсиясе белән иҗади дәрес узачак.

Татар халкы һәм Татарстан Республикасы дәүләтчелеге тарихы музеенда 13.00 сәгатьтән 17.00 сәгатькә кадәр ТАССРның 100 еллыгы символикасы төшерелгән бүләкләр уйнатылачак, «Тагы мәктәпкә!» лотереясе узачак.

11.00 сәгатьтә яшь кунаклар һәм аларның ата-аналары өчен ТР табигый тарих музее экспозициясе буенча квест үтәчәк.

12.00, 14.00, 16.00 сәгатьләрдә «Ачышлар бүлмәсе» мәдәни-мәгариф проектының микроскоплары белән интерактив дәресләр узачак.

12.00 сәгатьтә «Җир үзәгенә сәяхәт» тематик экскурсиясе оештырыла.

13.00 сәгатьтә курчак спектаклен ясау буенча мастер-класс узачак.

15.00 сәгатьтә «Югалган дөньяларга сәяхәт» тематик экскурсиясе оештырыла.

13.00 сәгатьтә Ислам мәдәнияте музеенда кунаклар пыялага рәсем төшерү буенча «Көзге вальс» дәресендә катнаша ала.

Благовещение соборы музеенда бәйрәм программасы 10.00 сәгатьтән 15.00 сәгатькә кадәр барачак. Чарада катнашучылар скретч-открыткалар ярдәмендә музей өчен үз котлауларын әзерли алачак. Шулай ук экспозиция залы диварында бәйрәм маппингы узачак.

15.00 сәгатьтә «Благовещение соборы» буклетын тәкъдим итү башлана.

11.00 сәгатьтә Артиллерия сарае музеенда «Пейп-арт» иҗат дәресе узачак.

12.00 һәм 15.00 сәгатьтә «Манеж» күргәзмәләр залында «Яңарыш» күргәзмәсендә «Татарстан хәзинәләре» интерактив программасы узачак.

14.00 һәм 16.00 сәгатьтә «Яңарыш» күргәзмәсе буенча күзәтү экскурсиясе узачак, дип хәбәр итә музей-тыюлыкның матбугат хезмәте.