Татарстанның Табигый тарих музеенда казанлылар сирәк үсемлекләр һәм ак койрыклы диңгез бөркетенең оядагы тормышы турында беләчәк

Татарстанның Табигый тарих музеенда казанлылар сирәк үсемлекләр һәм ак койрыклы диңгез бөркетенең оядагы тормышы турында беләчәк

<p> </p> <div class="detail-picture"> <img src="https://kzn.ru/upload/iblock/e94/IMG_9289-_1_870.jpg"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 9-нчы ноябрь). 12-нче ноябрьдә Татарстанның Табигый тарих музеенда «Тыюлыклы Татарстан» күргәзмәсе ачылачак. Экспозиция Идел-Кама дәүләт табигый биосфера тыюлыгында урнашкан дендрарийга нигез салынуның 100 ел тулуына багышланган. </p> <p> Күргәзмәдә Идел-Кама тыюлыгының визит карточкасы булган дендрарий тарихын, шулай ук аның башында торган галимнәр турында кызыклы фактларны беләргә, чыгышы төрле материкларда булган сирәк үсемлекләрне өйрәнергә мөмкин булачак. </p> <p> Моннан тыш, экспозициядә ак койрыклы диңгез бөркете – Татарстанның Халыкара Кызыл китабына кертелгән иң зур кошның оядагы тормышы турында фотосурәтләр сериясе тәкъдим ителәчәк. Әлеге кошның яшәү урыны – тыюлыкның Саралан участогы. Анда ак койрыклы диңгез бөркетенең популяциясен камералар һәм GSM-трекерлар ярдәмендә өйрәнү буенча проектлар алып барыла, алар галимнәргә кошлар тормышының нечкәлекләрен белергә мөмкинлек бирә. Ә кошларга беркетелә торган трекерлар аларның миграция һәм кышлау урыннарының төгәл юлларын теркәгән, бу «тыюлык астындагы» кошларның Казан үзәгендәге яр буе өстеннән очып узуларын белергә мөмкинлек биргән. </p> <p> Күргәзмә кысасында лекцияләр белән Идел-Кама дәүләт табигый биосфера тыюлыгының фәнни хезмәткәрләре чыгыш ясаячак, алар дендрарий тарихы һәм фәнни тикшеренүләрнең үзенчәлекләре – хайваннар артыннан күзәтү нәтиҗәләре, фотокүргәзмәләр ярдәмендә ясалган ачышлар турында сөйләячәк. </p> <p> Әйтергә кирәк, Идел-Кама дәүләт табигый биосфера тыюлыгының 1960 елның 13-нче апрелендә нигез салынган визит карточкасы – 1921 елда ук Казан университетының урман факультеты хезмәткәрләре һәм укытучылары тарафыннан салынган дендрарий. 100 ел элек утыртылган сирәк һәм экзотик үсемлекләр «Америка», «Европа», «Азия» дип аталган секцияләрдә берләшкән дендрарийның уникаль фәнни коллекциясен тәкъдим итә. </p>

2021-11-09T17:38:24+0300