Узган тәүлектә Казанда кар чистарту эшендә 669 берәмлек техника һәм 678 юл эшчесе катнашкан

Шәһәр урамнарыннан 10,4 мең тонна кар чыгарылган.

Фото: Денис Гордийко

(Казан шәһәре KZN.RU, 29 нчы декабрь). Узган тәүлектә Казан урамнарыннан 10 мең 400 тонна кар чыгарылган. Аларның 7 меңен – кар эрү пунктларына, тагын 3 мең 400 тоннасын коры чүплекләргә илткәннәр, дип хәбәр иттеләр Казан Башкарма комитетының Тышкы төзекләндерү комитетында.

Юлларны чистартуга 678 юл эшчесе һәм 669 берәмлек техника, шул исәптән 89 катнаш юл машинасы, 93 трактор щеткасы, 210 үзбушаткыч һәм 156 төягеч җәлеп ителде.

Кышкы сезон башыннан бирле Казан урамнарыннан 386 мең тонна кар чыгарылган, 251 мең тоннасы – кар эретү пунктларына, тагын 135 мең тоннасы коры чүплекләргә озатылган.

Исегезгә төшерәбез, юлларны җыештыру буенча мөрәҗәгатьләрне шәһәр халкы «Ачык Казан» системасы, 063 телефоны аша, Башкарма комитетның Telegramдагы «Минем Казан» чат-боты ярдәмендә калдыра ала.

Ишегалларындагы карны чистарту өчен идарәче компанияләр һәм торак милекчеләре ширкәтләре җавап бирә. Әгәр йорт яны территориясен җыештыру сыйфаты гамәлдәге нормативларга туры килмәсә яки ниндидер сәбәпләр аркасында торак милекчеләрен канәгатьләндермәсә, алар идарәче оешманың үзенә мөрәҗәгать итәргә, «Ачык Казан»да гариза калдырырга яки Дәүләт торак инспекциясенә шикаять бирергә мөмкин.

Шулай ук укыгыз

Барлык яңалыклар