Тәүлек эчендә Казан урамнарыннан 11 меңгә якын кар чыгарылган

Көндез Казан урамнарын кардан чистартуга 463 юл эшчесе һәм 348 махсус техника чыгачак.

(Казан шәһәре KZN.RU, 29-нчы декабрь). Узган тәүлек эчендә юл хуҗалыгы хезмәтләре 10999 тонна кар чыгарганнар. Казан урамнарын җыештыруга 367 юл эшчесе һәм 651 махсус техника берәмлеге, шул исәптән 149 катнаш юл машинасы, 102 трактор щеткасы, 206 үзбушаткыч, 74 фронталь төягеч һәм 49 "Барсик" мини-төягече, 29 грейдер, 20 кар төягеч һәм башка төр техника җәлеп ителде.

Узган тәүлек эчендә юлларны эшкәртү өчен 876 тонна бозлавыкка каршы матдә, шул исәптән 276 тонна реагент һәм 600 тонна ком-тоз катнашмасы кулланылган.

Бүген көндез урамнарны кардан чистартуга 463 юл эшчесе һәм 348 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: 25 октября, Айдаров, Әмирхан, Астрономия, Батурин, Бауман, Ваһапов, Габдулла Тукай (Татарстан урамыннан Вахитов мәйданына кадәр), Гагарин, Гладилов, Губкин, Железнодорожник, Ибраһимов, Каюм Насыйри (Татарстан урамыннан), Клара Цеткин, Кремль, Короленко, Лукницкий, Лядов, Меридиан, Павлов, Париж Коммунасы, Сахаров, Сибгат Хәким, Университет, Фрунзе, Чистай, Ямашев һәм Горький шоссесы. Кар шулай ук Болак күперләреннән, тимер юл вокзалы мәйданыннан, Ирек мәйданыннан, Нагорный торак массивы һәм Царицыно бистәсе урамнарыннан, Габишев, Дубравная, Юлиус Фучик урамнары тукталышларыннан, Ленинград, Сибгат Хәким һәм Челюскин урамнары тукталышларыннан чыгарылачак.

Шулай ук укыгыз

Барлык яңалыклар