Узган тәүлектә ТР башкаласы урамнарыннан 12,4 мең тоннадан артык кар чыгарылган

Юлларны 494 юл хуҗалыгы эшчесе чистарткан.

(Казан шәһәре KZN.RU, 23-нче гыйнвар). Узган тәүлек эчендә юл хуҗалыгы хезмәтләре 12449 тонна кар чыгарганнар. Казан урамнарын җыештыруга 494 юл эшчесе һәм 715 махсус техника берәмлеге, шул исәптән 139 катнаш юл машинасы, 17 кар төягеч, 126 трактор щеткасы, 28 грейдер, 87 фронталь төягеч, 56 "Барсик" мини-төягече, 243 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 478 тонна бозлавыкка каршы матдә, шул исәптән 94 тонна реагент һәм 384 тонна ком-тоз катнашмасы кулланылган.

Бүген көндез урамнарны кардан чистартуга 435 юл эшчесе һәм 341 махсус техника чыгачак, дип хәбәр итә Тышкы төзекләндерү комитеты.

Кар түбәндәге урамнардан чыгарылачак: Әпсәләмов, Айдинов, Бассейн, Батыршин, Бауман, Витер, Восстание, Декабристлар, Железнодорожник, Зорге, Камал, Кремль, Королев, Копылов, Ленинград, Меридиан, Новосельская, Окольная, Павлюхин, Париж Коммунасы, Самара, Симонов, Тихомирнов, Сибгат Хәким, Чистай, Челюскин, Четаев, Әмирхан һәм Ямашев проспектлары, Горьковский шоссесы, Себер тракты буенча тукталыш мәйданчыклары, Ирек мәйданы, Бутлеров һәйкәле һәм “Казан Арена” янындагы мәйданчыклар.

Шулай ук укыгыз

Барлык яңалыклар