Казан Мэриясендә Башкарма комитет хезмәткәрләре өчен бушлай татар теле курслары башланды

Укыту ай ярым дәвам итәчәк, белем бирү программасы 12 дәресне үз эченә ала.

Фото: Денис Гордийко

(Казан шәһәре KZN.RU, 21 нче сентябрь). Казан Мэриясендә шәһәр Башкарма комитеты хезмәткәрләре өчен бушлай татар теле курслары башланды. Дәресләр атнага ике тапкыр ике төркемдә узачак.

Беренче дәрес танышу, аралашу, үзең турында сөйләү, курска максатлар билгеләү, өйрәнелгән белемнәрне ныгытудан башланды. Дәресне «Унбер» лицееның татар теле укытучысы Гөлфия Габдуллаҗанова алып барды, дип хәбәр итә Казан Башкарма комитетының Тел культурасы өлкәсендә милли сәясәтне гамәлгә ашыру бүлеге.

Дәресләр 1,5 ай дәвам итәчәк. Курслар тел, грамматика һәм сөйләм нигезләрен үз эченә алган 12 дәрестән торган программадан гыйбарәт. Курсларны тәмамлаучыларга таныклыклар тапшырылачак.

Быел шулай ук хезмәт күрсәтү өлкәсе (кунакханә бизнесы, җәмәгать туклануы, сәүдә) хезмәткәрләре өчен дә бушлай татар теле курслары узачак. Курсларга язылу өчен сылтама буенча теркәлергә кирәк. Тулырак мәгълүматны +7(843)299-15-90 телефоны буенча белергә була.

Исегезгә төшерәбез, Казан шәһәре Башкарма комитеты хезмәткәрләре өчен беренче тапкыр татар теле буенча курслар Казан Мэриясе базасында 2021 елда Туган телләр һәм халыклар бердәмлеге елын гамәлгә ашыру кысаларында оештырылды.

Шулай ук укыгыз

Барлык яңалыклар