Март аенда Казан белән Сыктывкарны даими авиарейслар тоташтырачак

Очышлар атнага ике тапкыр башкарылачак

Фото: Екатерина Красуцкая

Казан белән Сыктывкар арасында авиарейслар 18 нче мартта яңартылачак. Очышлар «РусЛайн» авиакомпаниясе тарафыннан атнага ике тапкыр – дүшәмбе һәм пәнҗешәмбе көннәрендә гамәлгә ашырылачак.

Сыктывкардан Казанга очу 23:30, 23:40, 23:10 сәгатьләрдә планлаштырылган, килеп җитү 1:00, 1:15 һәм 00:45 сәгатьләрдә көтелә. Вакыт рейсның үтәлү чорына бәйле рәвештә үзгәреп тора.

Казаннан Сыктывкарга лайнерлар 21:05, 21:15, 20:45 сәгатьләрдә очачак. Алар маршрутны 22:30, 22:40 һәм 22:10 сәгатьләрдә тәмамлаячак.

Очышлар башкару өчен 50 урынга исәпләнгән Bombardier CRJ 100/200 самолетлары җәлеп ителгән. Юлда пассажирлар 1 сәгать 25 минут булачак, дип хәбәр итте Казан аэропортының матбугат хезмәте.

Май аенда Казаннан Улан-Удэга туры авиарейслар җибәреләчәк. Очышлар атнага ике тапкыр башкарылачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар