Март аенда Советлар Союзы Герое Сергей Фильченковның тууына 105 ел тула

Бөек Ватан сугышы елларында ул 212 хәрби һәм разведка очышы ясаган, һава сугышларында дүрт дошман самолетын бәрдергән.

(Казан шәһәре KZN.RU, 4-нче март). 18-нче мартта Советлар Союзы Герое, лейтенант Сергей Фильченковның тууына 105 ел тула. Бөек Ватан сугышы елларында ул 212 хәрби һәм разведка очышы ясаган, һава сугышларында дүрт дошман самолетын бәрдергән. KZN.RU порталы Бөек Җиңүгә зур өлеш керткән күренекле Казан кешеләрен искә ала.

Сергей Яковлевич Фильченков 1915 елның 18-нче мартында Тверь өлкәсенең Оленин районы Большие Воробьи авылында туа. Балачактан ук авиацияне ярата. Ржев шәһәрендә 1938 елда аэроклуб, кече авиация белгечләре мәктәбен, ә 1940 елда атучы-бомбардировщикларның хәрби авиация мәктәбен тәмамлый.

Кызыл Армия сафларына Сергей Фильченков 1938 елда баса. Ул 1941 елда Бөек Ватан сугышы фронтына алына. 128-нче бомбардировка авиация полкы экипажының 241-нче бомбардировка авиация дивизиясе штурманы буларак, Сергей Фильченков Мәскәү (1941-1942) һәм Курск (1943) бәрелешләрендә, Гомель-Речицкойда (1943), Бобруйскийда (1944) һәм Берлинда (1945) һөҗүм итү операцияләрендә катнаша.

1944 елның июленә 212-нче хәрби очыш ясый, һава сугышларында дүрт дошман самолетын бәреп төшерә.

1945 елның апрелендә Сергей Фильченков немец зениткаларын бәрдерә һәм авыр яралана. Демобилизациядән соң Казанда яши һәм эшли.

Сергей Фильченков Ленин, Кызыл Байрак, I дәрәҗә Ватан сугышы, Кызыл Йолдыз орденнары, медальләр белән бүләкләнгән. Сергей Фильченков исеме Казан геройлары китабына да кергән.

Сергей Яковлевич Фильченков 1965 елның 30-нчы ноябрендә вафат була. Казанның Арча зиратында җирләнгән.

Тарихи белешмә Татарстан Республикасы Бөек Ватан сугышы виртуаль музее материаллары нигезендә әзерләнде