Май аенда Казаннан Таулы Алтайга туры очышлар яңадан башланачак

Рейслар атнага бер тапкыр чәршәмбе көнне башкарылачак.

Фото: Екатерина Красуцкая

(Казан шәһәре KZN.RU, 23 нче март). 3 нче майдан Казан – Таулы Алтай маршруты буенча һәм кире юнәлештә туры очышлар башланачак. Рейсларны «ЮВТ АЭРО» авиакомпаниясе башкарачак.

Очкычлар атнага бер тапкыр чәршәмбе көнне очачак. Казаннан китү вакыты – 05:35, Таулы Алтайга килү вакыты – 12:45. Таулы Алтайдан кире юнәлештә 13:45 сәгатьтә очачаклар, Казан аэропортына 13:05 сәгатьтә төшәчәкләр. Һәр аэропорт өчен җирле вакыт күрсәтелгән. Юл вакыты 3 сәгатьтән артык булачак.

Маршрутта Канаданың Bombardier CRJ-200 авиалайнерлары эшләячәк, пассажирлар салонының максималь сыйдырышлылыгы – 50 кеше, дип хәбәр итә авиакомпаниянең матбугат хезмәте.

Шулай ук укыгыз

Барлык яңалыклар