Казанның 186 нчы лицеенда триатлон буенча беренче мәктәп үзәге ачылды

Балалар өчен күнекмәләрне җиңел атлетика буенча Россия спорт мастеры, ил беренчелекләренең һәм чемпионатларының күп тапкырлар призеры Акмал Ишов уздыра

Фото: Мәгариф идарәсе

Казанда триатлон буенча беренче мәктәп үзәге 186 нчы күп профильле «Перспектива» лицее базасында ачылды. Бүгенге көндә секциягә 125 бала йөри, алар 1-8 нче сыйныф укучылары.

Күнекмәләрне Акмал Ишов үткәрә, ул – җиңел атлетика буенча Россия спорт мастеры, 3 мең һәм 10 мең метрга йөгерүдә ил беренчелегенең көмеш призеры, 4 мең метрга йөгерүдә РФ беренчелегенең бронза призеры, җиңел атлетика кроссының катнаш эстафетасында РФ чемпионатларының бронза һәм көмеш медальләре иясе.

Күнекмәләр атнага өч тапкыр швед стенкалары, велотренажерлар һәм йөзәргә өйрәтү өчен кирәкле спорт инвентарьлары белән җиһазландырылган залда уза, дип хәбәр итә ТР башкаласының мәгариф идарәсе.

Шулай ук укыгыз

Барлык яңалыклар