Аккош күле урман паркында Май чабу бәйрәме уза

Традицион карачкы яндыру йоласыннан соң төп мәйданчыкта «Вирус» төркеме чыгыш ясаячак.

Фото: Киров һәм Мәскәү районнары администрациясе

(Казан шәһәре KZN.RU, 14-нче март). Бүген Казанда Кече Аккош күле урман паркында Май чабу бәйрәме уза. Халык күңел ачулары кышны озатуга һәм язны каршылауга багышланган.

Иртәдән бәйрәмнең төп мәйданчыгында сәүдә рәтләре һәм төрле активлык зоналары җәелдерелде. Килүчеләр өчен фуд-кортлар эшли, анда теләгән һәркем төрле эчлекләр белән коймаклар татып карый һәм кайнар чәй эчә ала. Теләүчеләр конкурсларда, традицион рус күңел ачуларында, тематик уеннарда катнаша ала.

Фольклор ансамбльләре, бию һәм вокаль коллективлар чыгышлары бәйрәм атмосферасы тудыра. Концерт программасының хедлайнеры 2000 елларда популяр булган «Вирус» Россия поп-төркеме булачак. Музыкаль коллективның чыгышы 13.00 сәгатькә планлаштырылган.

Исегезгә төшерәбез, бүген җәмәгать транспорты эше көчәйтелде. Мәсәлән, «Аккош күле» тукталышына кадәр 36-нчы, 46-нчы һәм 72-нче номерлы автобуслар йөри. Халыкка уңайлы булсын өчен бу маршрутлар эше эш көне графиклары буенча оештырылды.

Чаралар көн дәвамында башка шәһәр мәйданчыкларында да узачак, программада – рус халык уеннары, театраль тамашалар, киез итекләрдә хоккей, концерт, коймак һәм чәй белән ярминкә, традицион рәвештә карачкы яндыру. Бәйрәм программасы ишегалларында, музейларда, паркларда һәм скверларда оештырылды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар