«Сәйдәш» мәдәни үзәгендә Казанда беренче гаилә коворкингы ачылды

«Сәйдәш» мәдәни үзәгендә Казанда беренче гаилә коворкингы ачылды

<div class="detail-picture"> <img src="https://kzn.ru/upload/iblock/db9/DSC_4781-870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 3 нче июнь). Кичә «Сәйдәш» мәдәни үзәгендә Казанда беренче гаилә коворкингы ачылды. Ул пәнҗешәмбе көннәрендә бушлай эшләячәк. </p> <p> Гаилә коворкингының форматы бирегә әти-әтиләрнең балалары белән бергә килүен күздә тота. Әни яки әти эшләгән, сөйләшүләр яки очрашулар үткәргән арада, бала үзәк белгече белән дәресләрдә шөгыльләнеп тора ала. </p> <p> Гаилә коворкингын казанлыларның тормыш сыйфатын күтәрү максатында оештырдылар, дип билгеләп үтте Казанның Яшьләр парламенты рәисе Мария Вьюгина. «Без яшь гаиләләрнең балалары туса да, әти-әниләренең эшләү, шөгыльләнү, уку мөмкинлеге булуын, һәм шул ук вакытта балалары янәшәдә, профессиональ педагог белән шөгыльләнүен телибез», - дип ассызыклады ул. </p> <p> Проект сыналу этабында, дип хәбәр итте «Сәйдәш» мәдәни үзәге директоры Артур Минһаҗев. «Безгә ата-аналар биредә тынычлап эшләсен өчен проектның аудиториясен, балаларның яшен аңларга кирәк», - дип аңлатты ул. </p> <p> Коворкингка 1,5 яшьтән алып 6 яшькә кадәрге балалар белән килергә мөмкин. Гаилә коворкингыннан файдалану өчен (843)272-11-72 телефоны буенча теркәлергә кирәк, дип хәбәр итә «Сәйдәш» мәдәни үзәге матбугат хезмәте. </p> <p> Проектны «Сәйдәш» мәдәни үзәге Казанның Яшьләр парламенты белән берлектә тормышка ашыра. </p> <p>   </p>

2022-06-03T14:45:21+0300