«Мәскәү» мәдәни үзәгендә «Хәлимә» фильмы күрсәтеләчәк

«Хәлимә» фильмы XIII Казан халыкара мөселман киносы фестивалендә берничә бүләккә ия булды.

(Казан шәһәре KZN.RU, 10-нчы март). 11-нче мартта «Мәскәү» мәдәни үзәгендә режиссер Юлия Захарованың «Хәлимә» фильмы күрсәтеләчәк. Киносеанс 14.00 сәгатьтә башлана, дип хәбәр ителә «Мәскәү» мәдәни үзәгенең Instagram битендә.

Сюжет Казанның ябык элиталы мәктәбенең тыныч һәм уртача тормышы фонында бара. Аның укучыларының берсе Женевада БМО Кеше хокуклары буенча советында стажировка үтү өчен грант отарга мөмкин. Әлеге яңалык, шулай ук сайлап алу туры өчен докладлар әзерләү ыгы-зыгы һәм хаос сәбәбе була. Нәкъ менә шуңа да башта унберенче сыйныфта Хәлимә исемле яңа укучы барлыкка килүне беркем дә сизми. Мәктәптә ул ят кеше була, хәзерге заман яшүсмерләре стандартларына туры килми. Аның дөньяга һәм дингә, дуслык һәм мәхәббәткә карашы яшьтәшләренекеннән аерыла. Герой еш кына башка балаларның, аларның ата-аналарының һәм укытучыларның кырыслыгы һәм дошманлыгы белән очраша. Җәмгыятьнең Хәлимәнең уңышларына көнләшеп каравы, нәтиҗәдә, драма вакыйгаларына китерә.

«Хәлимә» фильмы XIII Казан халыкара мөселман киносы фестивалендә Россиянең кино белгечләре һәм кино тәнкыйтьчеләре гильдиясе призын, «Дин турында иң яхшы фильм» номинациясендәге призны (Calcutta International Cult Film Festival, Һиндстан) һәм дин темасына иң яхшы фильм өчен кинотәнкыйтьчеләргә бирелгән бүләкне (Cult Critic Movie Awards, Һиндстан) алды.

Шулай ук укыгыз

Барлык яңалыклар