«Мәскәү» мәдәни-күңел ачу үзәгендә Казанның яшь графиклары күргәзмәсе ачыла

«Мәскәү» мәдәни-күңел ачу үзәгендә Казанның яшь графиклары күргәзмәсе ачыла

<p> <img src="https://www.kzn.ru/upload/iblock/3ff/DEN_3940.jpg"><br> </p> <p> (Казан шәһәре KZN.RU, 5-нче февраль). 11-нче февральдә Казанда «Мәскәү» мәдәни-күңел ачу үзәгендә Казанның яшь графиклары күргәзмәсе ачыла. Экспозиция графиканың заманча формаларына багышланган һәм 50-дән артык яшь рәссам, иллюстратор һәм архитектор эшен үз эченә ала. </p> <p> Классик сәнгатьтә графикка җыйнаклык, динамика хас. Әлеге билгеләр графиканың цифрлы формасына да туры килә. Күргәзмәдә төрле эшләр – карандаш рәсемнән алып цифрлы китап иллюстрацияләренә кадәр күрсәтеләчәк. </p> <p> «Ак биттән. Яшь Казан графикасы» проекты Татарстан башкаласындагы рәссамнарны берләштерә. Күргәзмәдә Гүзәл Гарипова, Иван Демидов, Тимофей Зверко, Сергей Котов, Соня Лигостаева, Полина Лопина, Варвара Обшивалкина, Рената Фогель, Татьяна Черногузованың эшләрен күрергә мөмкин булачак. </p> <p> Экспозиция 11-нче февральдә 18.00 сәгатьтә ачыла һәм 8-нче мартка кадәр дәвам итәчәк. Керү ирекле, дип хәбәр иттеләр «Мәскәү» мәдәни үзәгендә. </p>

2020-02-05T11:47:33+0300