«Игелекле Казан» коворкингында «ДиабетФест23» фестивале узачак

Узган ел акциядә 100 дән артык кеше катнашты

Фото: Марат Мөгыйнов

(Казан шәһәре KZN.RU, 3 нче ноябрь). Шикәр диабеты проблемасы белән очрашкан кешеләрне укыту һәм аларга ярдәм итү максатыннан 19 нчы ноябрьдә «Игелекле Казан» коворкингында «ДиабетФест23» фестивале узачак. Бу хакта «ТР шикәр диабеты белән авыручыларны берләштерү» коммерцияле булмаган автоном оешмасында хәбәр иттеләр.

Фестивальдә катнашучылар шәһәрлеләрдән медицина калдыкларын җыю буенча лекцияләргә йөри алачак, шулай ук популяр диаблогерлардан тәҗрибә һәм белем алачак. Диабет белән авыручы балалар өчен мастер-класслар һәм башка активлыклар әзерләнәчәк. Чарада шулай ук «Диабет нәрсә ул?» бөтенроссия конкурсы җиңүчеләрен бүләкләячәкләр.

«ДиабетФест23» фестивале икенче тапкыр узачак, узган ел чара кысаларында 100 дән артык катнашучы авыру турында кирәкле мәгълүмат алды, шулай ук кан шикәрен тикшерде, бу авыруның башлангыч билгеләрен ачыкларга мөмкинлек бирде.

Акция 19 нчы ноябрьдә Казан шәһәре, Сеченов урамы, 5 адресы буенча урнашкан «Игелекле Казан» коворкингында узачак.

Проект «Татарстан Республикасының шикәр диабеты белән авыручы кешеләрне берләштерү» автоном коммерцияле булмаган оешмасы тарафыннан гражданлык җәмгыятен үстерүгә ТР гранты акчаларын кулланып гамәлгә ашырыла.

Шулай ук укыгыз

Барлык яңалыклар