Яңалыклар
11.12.2023, 12:47
Киров районында сәламәтлек мөмкинлекләре чикләнгән кешеләр өчен укыту-күнекмә фатиры ачылачак
Хәзерге вакытта анда ремонт эшләре бара
Фото: Киров һәм Мәскәү районнары администрациясе матбугат хезмәте
(Казан шәһәре KZN.RU, 11 нче декабрь). Казанның Киров районында сәламәтлек мөмкинлекләре чикләнгән кешеләр өчен укыту-күнекмә фатиры барлыкка киләчәк. Ул Юдино поселогында урнашачак, дип хәбәр итте район администрациясе башлыгы Сергей Миронов үзенең Telegram-каналында.
«Квалификацияле белгечләр 7-14 яшьлек менталь сәламәтлек үзенчәлекләре булган балаларны гади күнекмәләргә өйрәтәчәк: җыештырырга, юарга, тегәргә, пешерергә, чәчәкләрне карарга», – диелә хәбәрдә.
Мондый күнегүләр сәламәтлек мөмкинлекләре чикләнгән балалар өчен киләчәктә көнкүрештә мөстәкыйльрәк булырга мөмкинлек бирәчәк.
Хәзерге вакытта фатирда ремонт эшләре бара. Аннары мебель һәм кирәкле җиһазлар китерү планлаштырыла.
Казанда сәламәтлек мөмкинлекләре чикләнгән кешеләр өчен ике уку-күнекмә фатиры эшли. Элегрәк KZN.RU аутистик спектры бозылган балаларны өйдә җыештырудан алып кибеттә азык-төлек сатып алуга кадәр көнкүреш күнекмәләренә ничек өйрәтүләре турында сөйләде.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
