Казанның Киров районында вакантлы эш урыннары ярминкәсе узачак

Керү һәм барлык хезмәтләр бушлай.

(Казан шәһәре KZN.RU, 9-нчы сентябрь). 12-нче сентябрьдә Казанның Киров районында вакантлы эш урыннары ярминкәсе узачак.

Шәһәрлеләр район предприятиеләрендә буш эш урыннары турында мәгълүмат туплый, эшкә урнашуда ярдәм ала, район предприятиеләренең кадрлар хезмәте вәкилләре белән очраша, хезмәт һәм мәшгульлек турындагы законнар буенча белгечләр белән киңәшләшә һәм дәүләт гарантияләре турында белә алачак.

Ярминкә 10.00 сәгатьтән 12.00 сәгатькә кадәр Социаль белем бирү академиясендә түбәндәге адрес буенча узачак: Исаев ур., 12. Керү һәм барлык хезмәтләр бушлай, дип хәбәр ителә ТР Дәүләт мәшгульлек хезмәте порталында. Белешмәләр өчен телефон: (843) 554-77-64.

Шулай ук укыгыз

Барлык яңалыклар