Казанның «Әл-Мәрҗани» мәчетендә авариягә каршы эшләрнең беренче этабы тәмамлана

Объектта нигез һәм манараны ныгыталар, түбәсен ремонтлыйлар һәм ярыкларны ябалар

Фото: ТР Мәдәни мирас объектларын саклау комитеты

Быел Казанда «Әл-Мәрҗани» мәчете төзекләндереләчәк. Фасадларга һәм тәрәзә блокларына тарихи кыяфәт кайтарылыр дип планлаштырыла. Бүгенге көндә авариягә каршы эшләрнең беренче этабы тәмамлана, ул нигезләрне һәм манараны ныгытуны, цокольдагы стеналарны гидрофобизацияләүне, түбә ремонтлауны һәм гөмбәзләрдә һәм фасадлардагы ярыкларны бетерүне үз эченә ала.

Төзүчеләргә декорны, кәрнизләрне һәм тягаларны чистартырга һәм торгызырга, тышкы стеналар поясокларының саклагыч фартукларын һәм капительләрне алыштырырга кирәк. Моннан тыш, белгечләр тәрәзә блокларына элеккеге кыяфәтләрен кайтарачак.

«Әл-Мәрҗани» мәчетен саклау буенча проект документациясе дәүләт тарихи-мәдәни экспертизасының уңай нәтиҗәсен алды. Архитектура һәм конструктив карарлар манарадагы урау металл галереяны, мәчет интерьерларын реставрацияләүне, таш койманы һәм дүрт янкорманы реставрацияләү белән территорияне төзекләндерүне күздә тота, дип хәбәр иттеләр ТР Мәдәни мирас объектларын саклау комитетында.

Шулай ук укыгыз

Барлык яңалыклар