Казанның 8-нче номерлы балалар шәһәр хастаханәсендә күпфункцияле бүлмә ачылачак

Аны төзекләндерү казанлылар ярдәме белән чынга ашкан.

(Казан шәһәре KZN.RU, 28-нче март). 29-нчы март көнне Казанның Ратнер исемендәге 8-нче номерлы балалар шәһәр хастаханәсендә күпфункцияле бүлмә ачылачак. Аны төзекләндерү казанлылар ярдәме белән чынга ашкан.

Шулай итеп, балалар бүлмәсендә хастаханәнең кечкенә пациентларына күңелле ял итү өчен барлык шартлар да булдырылган. Биредә алар фильмнар карый, уйный ала, шулай ук психолог белән дәресләр узачак. Мондый бүлмәне ачу хыялы «Бәхетле тарих» хәйрия фонды оештырган «Мәрхәмәтле юмартлык» аукционы ярдәмендә тормышка ашкан.

Бүгенге көндә шулай ук 1-нче номерлы мәктәп-интернатта, сәламәтлекләре чикле булган балалар өчен эшли торган 172-нче номерлы мәктәптә, Республика балалар психоневрология шифаханәсендә бүлмәләр үзгәртелде, дип хәбәр итә хәйрия фондының матбугат хезмәте.

Шулай ук укыгыз

Барлык яңалыклар