Казан зооботаника бакчасында арту бар - Брюс даманының баласы туган

Бәләкәч үзен яхшы хис итә, күп вакытын әнисе белән үткәрә һәм инде яшелчә, җиләк-җимеш, яшеллек һәм вак кимерүчеләр белән туклана.

Фото: Казан зооботаника бакчасы

(Казан шәһәре KZN.RU, 21-нче октябрь, Алинә Бережная). Казан зооботаника бакчасында Брюс даманының баласы туган. Ул әти-әнисе белән зоопаркының яңа «Замбези елгасы. Африка» өлешендә филләр өчен корылган урында яши.

Даман баласы 2018 елның җәендә Чехиядән Казан зооботаника бакчасына китерелгән даманнар парында туган. Бәләкәч үзен яхшы хис итә, күп вакытын әнисе белән үткәрә һәм инде яшелчә, җиләк-җимеш, яшеллек һәм вак кимерүчеләр белән туклана. «Бәләкәй даман бик актив, кызыксынучан, контактка яхшы бара, үзен яхшы хис итә», - дип сөйләделәр зоопаркның матбугат хезмәтендә.

Хәзерге вакытта Казан зооботаника бакчасында 7 Брюс даманы яши: 4 ата һәм 3 ана.

Брюс даманнары - Шотландия сәяхәтчесе Джеймс Брюс хөрмәтенә (1730-1794 еллар) бирелгән шул ук исемдәге гаиләнең бердәнбер вәкилләре.

Даманнар кыргый табигатьтә төньяк Африкада, Сүриядә һәм Израильдә яши. Алар 50 башка кадәр төркем булып яши. Куркынычны сизеп, әче тавыш белән кычкыралар. Күбесенчә үсемлек азыгы белән тукланалар.

Зурлыгы буенча даманнарны мәче белән чагыштырырга була: өлкән затның озынлыгы 30-дан 60 сантиметрга кадәр, ә авырлыгы 1,5 кг - 4,5 кг тирәсе.

Шулай ук укыгыз

Барлык яңалыклар