Казан Яшь тамашачылар театрында сәламәтлек мөмкинлекләре чикләнгән кешеләр өчен җайлаштырылган «Ибраһим әфәнде» спектаклен күрсәтәчәкләр

Начар күрүчеләргә һәм начар ишетүчеләргә тифлокомментатор һәм сурдотәрҗемәче ярдәм итәчәк.

Фото: Казан шәһәре KZN.RU

(Казан шәһәре KZN.RU, 3-нче декабрь). 8-нче декабрьдә Казан Яшь тамашачылар театры сәламәтлек мөмкинлекләре чикләнгән кешеләр өчен җайлаштырылган «Ибраһим әфәнде» спектаклен күрсәтәчәк. Күрү сәләте югалган тамашачылар өчен куелган спектакльдә тифлокомментатор сәхнәдәге хәлләрне тасвирлый, ә сурдотәрҗемәче ишарәләр теле ярдәмендә начар ишетүчеләргә ярдәм итәчәк.

Исегезгә төшерәбез, «Чикләрсез театр» - «Игелекле эшләр көне» хәйрия фонды һәм Казан Яшь тамашачылар театры проекты, ул театрда сәламәт тамашачылар өчен дә, инвалидлыгы булган кешеләр өчен дә спектакль карау мөмкинлеге тудыра. Проект икенче ел тормышка ашырыла. Бүгенге көндә «Чикләрсез театр» кысаларында 6 спектакль адаптацияләнгән: «Кыргый», «Яшәртә торган алмалар», «Кечкенә принц», «Оскар һәм Алсу әни», «Джельсомино Ялганчылар илендә» һәм «Ибраһим әфәнде».

8-нче декабрьдә булачак спектакль 18.30 сәгатьтә башлана. Сәламәтлек мөмкинлекләре чикләнгән тамашачылар өчен ташламалы билетлар алу мәсьәләсе буенча +7(987)211-37-47 телефоны буенча мөрәҗәгать итәргә кирәк, дип хәбәр иттеләр«Игелекле эшләр көне» хәйрия фондында.

Шулай ук укыгыз

Барлык яңалыклар