Яңалыклар
03.03.2021, 10:30
Казан яшь тамашачылар театрында мөмкинлекләре чикле кешеләр өчен җайлаштырылган «Джельсомино в Стране лжецов» спектакле күрсәтеләчәк
Татарстан башкаласында «Чикләрсез театр» проекты дәвам итә.
Фото: Казан шәһәре KZN.RU
(Казан шәһәре KZN.RU, 3-нче март). 13-нче мартта Казан яшь тамашачы театры сәхнәсендә сәламәтлек мөмкинлекләре чикләнгән кешеләр өчен җайлаштырылган «Джельсомино в Стране лжецов» спектаклен күрсәтәчәкләр. Күрү сәләте югалган тамашачылар өчен куелган спектакльдә тифлокомментатор сәхнәдәге хәлләрне тасвирлый, ә сурдотәрҗемәче ишарәләр теле ярдәмендә начар ишетүчеләргә ярдәм итәчәк.
Искәртеп узабыз, «Чикләрсез театр» – бу икенче ел гамәлгә ашырыла торган «Игелекле эшләр көне» хәйрия фонды һәм Казан Казан яшь тамашачы театры проекты. Бүгенге көнгә проект кысаларында 6 спектакль яраклаштырылган: «Дикий», «Молодильные яблочки», «Маленький принц», «Оскар и Розовая мама», «Джельсомино в Стране лжецов» һәм «Господин Ибраһим».
13-нче мартта спектакль 13.00 сәгатьтә башлана. Сәламәтлек мөмкинлекләре чикләнгән тамашачылар өчен ташламалы билетлар алу мәсьәләсе буенча +7(987)211-37-47 телефоны буенча мөрәҗәгать итәргә кирәк, дип хәбәр иттеләр «Игелекле эшләр көне» хәйрия фондында.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:02 -
29.04.2025, 10:11
