Казанның Балыкчы бакчасында «Атмосфера» хоры чыгыш ясаячак

Казанның Балыкчы бакчасында «Атмосфера» хоры чыгыш ясаячак

<p> </p> <div class="detail-picture"> <img src="https://kzn.ru/upload/iblock/788/78825eac46018cc5e449a324ec151e86.jpg"> <p class="detail-picture__caption"> Фото: Парклар һәм скверлар дирекциясе  </p> </div> <p> (Казан шәһәре KZN.RU, 16 нчы гыйнвар). Казанның Балыкчы бакчасында беренче тапкыр «Атмосфера» вокаль ансамбле чыгыш ясаячак. Хор бәйрәм җырларын һәм популяр Яңа ел композицияләрен башкарачак. </p> <p> Яраткан көйләреңне тыңлап, бакчаның тылсымлы атмосферасын 18 нче гыйнварда тоярга мөмкин булачак. Концерт 19:00 сәгатьтә фонтан янында башлана. Керү ирекле.  </p> <p> Казанның Парклар һәм скверлар дирекциясендә чара 7 нче гыйнварда булырга тиешлеген искәрттеләр, әмма салкыннар аркасында аны күчерделәр.  </p> <p> Бу кышта Балыкчы бакчасы беренче тапкыр казанлыларны Яңа ел бизәлеше белән сөендерә – әлеге урынны төзекләндерү көз көне тәмамланды. Биредә бәйрәмчә матур: керү төркеме бизәлгән, парк периметры буенча гирлянда сузылган, ә бакчаның үзенчәлеге – быел утыртылган тере чыршы. Агач совет стилендә флаглар һәм уенчыклар белән бизәлгән.  </p> <p> Киңлекнең үзәк элементы балыкчы скульптурасы белән фонтан да бизәлгән. Аның касәсеннән гирлянда асылынып тора, ә конструкция периметры буенча яңа ел бизәкләре белән каркас урнаштырылган. </p>

2024-01-16T11:06:00+0300