Казанның Җиңү паркында Донецк халык республикасы оешуга 8 ел тулуга багышланган акция узды

Чара РФ Кораллы Көчләренә һәм Донбасс халкына ярдәм йөзеннән үткәрелде.

Фото: Денис Гордийко

(Казан шәһәре KZN.RU, 7 нче апрель, Юлия Летникова). Бүген Казанның Җиңү паркында Россия Кораллы Көчләренә һәм Донбасс халкына ярдәм йөзеннән Донецк халык республикасы оешуга 8 ел тулуга багышланган митинг-концерт булды.

Шәһәр халкына сәхнәдән алтынчы чакырылыш ТР Дәүләт Советы депутаты Игорь Бикеев, «Бердәм Россия Яшь гвардиясе» вәкиле Элина Төхвәтуллина, шулай ук «Хәрби туганлык» бөтенроссия ветераннар иҗтимагый оешмасының төбәк бүлеге советы рәисе урынбасары Вениамин Чубаренко мөрәҗәгать иттеләр.

Җиңү паркында узган акциягә ветераннар һәм яшьләр оешмалары, иҗтимагый берләшмәләр дә кушылды.

Кунаклар өчен паркта концерт программасы оештырылды. Сәхнәдә республиканың иҗат коллективлары һәм артистлары чыгыш ясады, алар арасында «Казан егетләре», Татарстан Республикасының атказанган артисты Марина Карпова, җырчы Әмир Әхмәдишин, балалар вокаль ансамбле дә бар иде.

Акция барышында волонтерлар барлык теләүчеләргә патриотик символика төшерелгән истәлекле түштамгалар тараттылар.