Казанның «Крылья Советов» паркында «Ретро-пәнҗешәмбе»ләр башлана

5 нче май көнне җәйге сәхнәдә «Добро пожаловать, или Посторонним вход воспрещен» фильмы күрсәтеләчәк.

Фото: Казан шәһәре KZN.RU

(Казан шәһәре KZN.RU, 2 нче май). 5 нче майда Казанның «Крылья Советов» паркында традицион «Ретро-пәнҗешәмбе» кинопроекты башлана. «Ракушка» җәйге сәхнәсендә совет режиссеры Элем Климовның җәй һәм дуслык турында «Добро пожаловать, или Посторонним вход воспрещен» комедиясен күрсәтәчәкләр.

Фильмны күрсәтү 20:00 дә башлана, керү бушлай. Теләүчеләр кайнар эчемлекләр һәм пледлар ярдәмендә җылына алачак, дип хәбәр итә Казанның Парклар һәм скверлар дирекциясе.

«Ретро-пәнҗешәмбе» проекты – «Крылья Советов» паркында бушлай кинокүрсәтүләр циклы. Җәйге сезон дәвамында паркта һәр пәнҗешәмбе көнне танылган совет фильмнары күрсәтеләчәк.

Шулай ук укыгыз

Барлык яңалыклар