Казанның «Черек күл» паркында стендап кичәсе узачак

Шәһәр халкы алдында яңа гына әлеге юнәлештә эшли башлаган юмористлар чыгыш ясаячак, алар проект кураторлары белән бергә номерлар әзерләгән.

Фото: Денис Гордийко

(Казан шәһәре KZN.RU, 9 нчы июль). 10 нчы июльдә «Черек күл» паркында стендап кичәсе узачак. Чарада яшь юмор осталары да, Казанның Stand Up Club резидентлары да чыгыш ясаячак.

Концертта катнашучыларны май аенда кабул ителгән гаризалар буенча сайлап алдылар. Ай дәвамында 24 яшь комик Казанның Stand Up Club кураторлары белән бергә сәхнәдә чыгыш ясарга әзерләнгән. Юмористлар материал язган, аны остазлар белән бергә үзгәрткәннәр һәм шәһәрнең ачык киңлекләрендә чыгыш ясаганнар. Финалга кадәр 12 кеше килеп җиткән, нәкъ менә алар стендап кичәсендә чыгыш ясаячак һәм үзләрен яңа рольдә сынап караячак.

Чарада катнашучыларның юмор осталарының чыгышларына бәя бирү һәм иң яхшыларын алкышлар ярдәмендә сайлап алу мөмкинлеге булачак.

Яшь юмористлардан тыш, үз номерлары белән Казанның Stand Up Club резидентлары чыгыш ясаячак, алар арасында Илнур Әсхәдуллин, Никита Никитин, Матвей Ромашкин һәм Татьяна Березовская да бар.

Чара 20:00 сәгатьтә амфитеатрда башлана. Керү ирекле, дип хәбәр итә Казанның парклар һәм скверлар дирекциясе.

Шулай ук укыгыз

Барлык яңалыклар