Казанның «Черек күл» паркында «Ак чәчәк көне»н уздырачаклар

Бәйрәм мәйданчыгының үзәк объекты – Казан архитекторы Тимофей Зверконың 400 кәгазь чәчәктән торган интерактив инсталляциясе булачак.

Фото: Денис Гордийко

(Казан шәһәре KZN.RU, 24-нче август). 28-нче августта Казанның «Черек күл» паркында «Ак чәчәк көне» бәйрәме узачак. Программада – мастер-класслар, табиблар лекцияләре, музыка һәм башкалар.

Чара растяжка, мускулларны йомшарту һәм буыннарның мобильлеген яхшырту өчен фитнес-тренировка белән башланачак. Ул 9:00 сәгатьтән 10:30 сәгатькә кадәр узачак, катнашу өчен алдан ук сылтама буенча теркәлергә кирәк. Катнашучыларга үзләре белән келәм алырга һәм уңайлы аяк киеме кияргә кирәк.

10:30 сәгатьтә «Үз тәнем белән дус була башлыйм» темасына мастер-класс башлана, теркәлү сылтама буенча.

«Смена» заманча мәдәният үзәге паркта фәнни-популяр лекторияләр оештыра. Шәһәр халкы «Йокы – иң яхшы дару. Ни өчен?» (башлану вакыты 12:30 сәгатьтә) «Ихтыяр иреге һәм үзең белән идарә итү» (14: 00 сәгатьтә) лекцияләрен тыңлый алачак. Шулай ук теләүчеләр 16:00 сәгатьтә башлана торган инфаркттан ничек саклану турында лекциядә була алачак. Лекцияләргә керү ирекле.

Яшь шәһәрлеләр өчен балалар мастер-класслары сериясен врач Илдус Лотфуллин белән бергә үткәрәчәкләр. Шулай итеп, «Мин курыкмаган табиб» темасына дәресләр 12:30 сәгатьтә башлана, теркәлү сылтама буенча, шушы ук лекция татар телендәм 13:20 сәгатьтә, теркәлү сайтта. Шушы ук мастер-класслар 14:10 сәгатьтә һәм 15:00 сәгатьтә узачак.

18:00 дән 19:20 гә кадәр музыкант Ислам Вәлиев винил ретро-пластинкаларыннан 1970-80 нче еллардагы татар, рус һәм чит ил музыкасын куячак. Ә 19:30 сәгатьтән 20:15 сәгатькә кадәр Александр Маноцков һәм Sforzando оркестры солистлары квартеты «Александр Введенский шигырьләренә җиде җыр» дигән авторлык циклын һәм рус һәм Украина шагыйрьләренең текстларына башка композицияләрне башкарачак.

Бәйрәм мәйданчыгының төп объекты Казан архитекторы Тимофей Зверконың 400 кәгазьдән ясалган ак төстәге чәчәкләрдән торган интерактив инсталляциясе булачак. Шәһәрлеләр аны көн буе Н.И.Фешин исемендәге Казан сәнгать училищесы студентлары һәм укытучылары белән мастер-классларда ясаячаклар.

Паркта башка арт-объектлар да барлыкка киләчәк – аларны Венера Казарова, Маша Сомик һәм Ксения Шачнева булдырачак, дип хәбәр итә оештыручылар.

Бәйрәм көн дәвамында узачак. MOÑ театр мәйданчыгы һәм «Живой город» фонды инициативасы белән үткәрелә торган чараның тулырак программасы сайтта урнаштырылган.

Шулай ук укыгыз

Барлык яңалыклар