В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.10.2022, 11:53
Казанның «Черек күл» паркындагы сулыкны агыза башладылар
Салкыннар башланганнан соң аның касәсендә шугалак булдырылачак.
Фото: Денис Гордийко
(Казан шәһәре KZN.RU, 27 нче октябрь). Казанның «Черек күл» паркында эшчеләр ясалма сулыкны агыза башлаган. Салкыннар башлангач, аның касәсенә шугалак катырылачак.
Башта сулыктан бөтен суны суыртып алалар, аннары касәне җәй дәвамында җыелган пычрактан һәм чүп-чардан чистарталар. Эшләрне ике атна эчендә тәмамлау планлаштырыла, дип хәбәр иттеләр Казанның парклар һәм скверлар дирекциясендә.
Декабрь аенда касәдә шугалак катырылачак. Ел саен халыкның куркынычсызлыгы өчен периметр буенча койма куела һәм сәхнә җиһазландырыла. Шугалак яктылык инсталляцияләре белән бизәлә, ә бозның үзендә мастер-класслар һәм күңел ачу чаралары үткәрелә.
Узган кышкы сезонда «Черек күл» паркында шугалак 24 нче декабрьдән 25 нче февральгә кадәр эшләде. 57 көн эчендә бозга 138 меңнән артык казанлы һәм шәһәр кунаклары чыкты, ә тимераякны прокатка алу хезмәтеннән килүчеләр 30 мең тапкыр файдаланды. Кышкы сезонда боз шугалагын махсус боз катыру машинасы ярдәмендә карап тоттылар.
Шулай ук укыгыз
-
25.07.2025, 11:21 -
25.07.2025, 10:51 -
25.07.2025, 10:23 -
25.07.2025, 09:57