Яңалыклар
31.07.2020, 11:28
Казанның «Черек күл» паркында «Гашыйклар аркасы»н реставрацияләү башланды
Фасадны ремонтлау эшләре вакытында арт-объектны ябачаклар.
(Казан шәһәре KZN.RU, 31-нче июль). Казанның «Черек күл» паркында «Гашыйклар аркасы»н реставрацияләү башланды, ул иҗтимагый киңлекне реконструкцияләүнең өченче чираты кысаларында уздырыла. Эшләр барышында арканы ныгыту планлаштырыла, бу аның җимерелүен булдырмый калырга ярдәм итәчәк.
Арка фундаментын субайлар һәм 4,75 метр тирәнлектә туфракны цементлау ысулы белән көчәйтү планлаштырыла. Әйтергә кирәк, эшләр башланганчы белгечләр арт-объектны инструменталь тикшерү уздырган.
Эшләр биш атна дәвам итәчәк, ә августта, эшчеләр объектның фасадын реставрацияләүгә керешкәч, арканы вакытлыча ябачаклар, дип хәбәр итә Парклар һәм скверлар дирекциясе.
Исегезгә төшерәбез, быел Татарстан башкаласында «Черек күл» паркын төзекләндерүнең өченче этабына керештеләр. Әлеге парк мәдәни мирас объекты һәм төбәк әһәмиятендәге мәдәният һәйкәле статусына ия. Шунысы кызыклы, паркны төзекләндерү буенча төп эшләрдән тыш махсус дендроплан эшләнгән - иске үсемлекләрне яңаларына алыштыруны исәпкә алып, паркта булган атмосфераны саклап калу планлаштырыла.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
