Казанның «Мәскәү» полиция бүлегенә яңа җитәкче билгеләнде

«Мәскәү» полиция бүлеге территориясендә 5 тәртип саклау пункты урнашкан.

(Казан шәһәре KZN.RU, 19-нчы март). Казанда «Мәскәү» полиция бүлеге башлыгы вазыйфасына элек Россия Эчке эшләр министрлыгының Казан шәһәре буенча Җинаятьчеләрне эзләү бүлеге башлыгы вазыйфасын башкарган полиция подполковнигы Александр Михеев билгеләнде. Яңа җитәкчене кичә «Мәскәү» полиция бүлегенең шәхси составына тәкъдим иттеләр.

Россия Эчке эшләр министрлыгының Казан шәһәре буенча идарәсе башлыгы Алексей Соколов билгеләп үткәнчә, яңа җитәкченең һөнәри эшчәнлеге 20 ел Казанның хокук саклау органнары белән бәйле. Ул гади хезмәткәрдән җинаятьчеләрне эзләү җитәкчесенә кадәр юл узган, һәм бу вазыйфада аның лидерлык сыйфатлары һәм оештыру сәләте тулысынча чагылыш тапты, дип хәбәр итә РФ Эчке эшләр министрлыгының Казан идарәсе матбугат хезмәте.

Исегезгә төшерәбез, узган елның май аенда полиция бүлегенең шәхси составы Сабан ур., 7б адресы буенча яңа бинада эшли башлады. «Мәскәү» полиция бүлеге территориясендә 5 тәртип саклау пункты урнашкан, ул 74 мең кешегә, 280 торак йортка, 14 мәктәп һәм 17 балалар бакчасына хезмәт күрсәтә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар