Казанның социалистик көнкүреш музеенда «Сезнең хакта, хатын-кызлар!» күргәзмәсе ачыла

Экспозициядә «Красная Москва» хушбуе, 70-80 нче еллардагы гардероб предметлары, винил пластинкалар булачак.

Фото: Казанның социалистик көнкүреш музее

(Казан шәһәре KZN.RU, 5 нче март). Бүген Казанның социалистик көнкүреш музеенда «Сезнең хакта, хатын-кызлар!» күргәзмәсе ачылачак. Экспозиция узган гасырның 70-80 нче еллары предметларыннан тора.

Күргәзмәдә совет чорындагы парфюмерия һәм косметиканың төп маркалары, шул исәптән «Красная Москва» хушбуе тәкъдим ителәчәк. Музейга килүчеләр хатын-кызлар тормышы турында сөйли торган аклы-каралы фотосурәтләр коллекциясе белән таныша, шулай ук совет чорындагы гардероб предметларын карый алачак.

Экспонатлар арасында танылган модельер Вячеслав Зайцев тудырган күлмәк тә бар. Ул күлмәкне актриса Инна Чуриковага бүләк иткән, соңгысы исә аны Казан музеена тапшырган. Бу күлмәктә ул Николай Караченцов белән бергә «Ленком» театрының «Сорри» спектаклендә уйнаган. Күлмәк театрның костюмнар саклагычында сакланган.

Моннан тыш, килүчеләр танылган «Сезнең өчен, хатын-кызлар» сериясеннән «Мелодия» фирмасының винил пластинкаларын тыңлый алачак. Күргәзмә 15 нче мартка кадәр дәвам итә, дип хәбәр итте музей директоры Рөстәм Вәлиәхмәтов.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар