Казанның социаль-көнкүреш музеенда «Яраткан кешеләргә бүләкләр. 80-нче еллар» күргәзмәсе ачылачак

Экспозициядә сувенирлар һәм бижутерия, шул чордагы өске кием-салым әйберләре тәкъдим ителәчәк.

(Казан шәһәре KZN.RU, 2-нче март). 3-нче мартта Казанның социаль-көнкүреш музеенда «Яраткан кешеләргә бүләкләр. 80-нче еллар» күргәзмәсе ачылачак. Шәһәр халкы һәм кунаклары Советлар Союзында хатын-кызларга нәрсә бүләк иткәннәрен күрә алачак.

Күргәзмәдә 1980-нче еллар хушбуйлары, косметикасы, бижутерия һәм сувенирлары, шулай ук 8-нче март бәйрәменә багышланган почта открыткалары һәм маркалар коллекциясе тәкъдим ителәчәк, дип хәбәр иттеләр Социаль-көнкүреш музеенда. Килүчеләр ул елларда модада булган ясалма мехтан тегелгән туннарны һәм Югославия һәм фин күн плащларын киеп карый алачак.

Музейда хатын-кызларга багышланган совет җырлары яңгыраячак һәм совет фильмнары күрсәтеләчәк.

Шулай ук укыгыз

Барлык яңалыклар