Казанның 1941-1945 еллардагы Бөек Ватан сугышы музей-мемориалында экспозиция яңартыла

Килүчеләр блиндажда була, фронттан килгән хатларны укый һәм хәрби мотоциклга утырып карый алачак.

(Казан шәһәре KZN.RU, 28-нче февраль). Март башында Казанның 1941-1945 еллардагы Бөек Ватан сугышы музей-мемориалында яңартылган экспозиция ачылачак. Биредә татарстанлыларның сугышчан һәм хезмәт батырлыклары турында материаллар, шулай ук сугышта катнашучылар, тыл хезмәтчәннәре һәм эзләнү оешмалары тарафыннан тапшырылган яңа экспонатлар тәкъдим ителәчәк.

Экспозиция өч тематик бүлеккә бүленгән. «Безнең хәтер изге...» бүлегендә яңартылган электрон «Хәтер китабы» – Бөек Ватан сугышы елларында һәлак булган һәм хәбәрсез югалган Татарстан АССРында яшәүчеләрнең мәгълүмат базасы тәкъдим ителәчәк. «Татарстан - фронтка: фронт һәм тыл» бүлеге «Татарстан Бөек Ватан сугышы елларында» интерактив карталары» терминалы белән тулыландырылган. «Геройлар йолдызлыгы» бүлегендә онлайн режимында сугыш ветераннарының истәлекләре һәм хикәяләре, иҗтимагый һәм эзләнү оешмалары эшчәнлеге белән танышырга мөмкин булачак. Музейда тулы күзаллау булдыру өчен хәрби кинохроника кадрлары тәкъдим ителәчәк.

Күләмле-киңлек композицияләре, интерьер комплекслары һәм интерактив зоналар өчен декорацияләр һәм макетлар, Кызыл армия сугышчыларының хәрби киеме һәм корал эшләнмәләре әзерләнгән. Экспозициянең дизайнер чишелеше һәм заманча музей технологияләре бирегә килүчеләргә татарстанлылар катнашкан мөһим сугышлар һәм көрәшләр белән танышырга мөмкинлек бирәчәк. Кунаклар блинджда була, фронттан килгән хатларны шәһәр фатиры интерьерында укый, хәрби мотоциклга утырып карый ала.

Килүчеләр аудиогид-кушымтадан файдалана алалар, дип хәбәр итә Татарстан Республикасы Мәдәният министрлыгының матбугат хезмәте.

Шулай ук укыгыз

Барлык яңалыклар