Казан метросында электропоездда янгынны сүндерү буенча өйрәнүләр узды

Казан метросында электропоездда янгынны сүндерү буенча өйрәнүләр узды

<p> </p> <div class="detail-picture"> <img src="https://kzn.ru/upload/iblock/63c/63c8aa990d26b430fb5d1c0c9f0c7d8c.jpg"> <p class="detail-picture__caption"> Фото: «Метроэлектротранс» МУП матбугат хезмәте </p> </div> <p> </p> <p> (Казан шәһәре KZN.RU, 23 нче март). 22 нче марттан 23 нче мартка каршы төндә Казан метросындагы «Яшьлек» станциясендә электропоездда шартлы янгынны сүндерү буенча янгын-тактик өйрәнүләре узды. Чарага 19 берәмлек янгын-коткару техникасы, янгын сүндерү бүлегеннән 86 кеше һәм метрополитенның 25 хезмәткәре җәлеп ителгән иде. </p> <p> Станция янында оператив штаб, шулай ук медицина пункты оештырылды. </p> <p> Электр поездлары вагоннарында күп санлы кешеләр булуы, саф һавага чыгуның чикләнүе, шулай ук югары көчәнеш астындагы җиһазларның булуы һәм янгын сүндерә торган җиһазлар алу урынына керү кыенлыгы метродагы янгын сүндерүнең үзенчәлеге булды. </p> <p> «Метроэлектротранс» МУП матбугат хезмәте хәбәр иткәнчә, мондый өйрәнүләр ел саен үткәрелә, шуңа күрә дежур персонал метрополитен станцияләрендә янгын чыккан очракта оператив эш итә ала. Янгынның нәтиҗәсе, пассажирларның, объектның һәм аның тирәсендәге шәһәр инфраструктурасының куркынычсызлыгы янгын сүндерүчеләрнең һәм метро хезмәткәрләренең чын вакыйга вакытындагы грамоталы һәм оператив гамәлләренә турыдан-туры бәйле. </p>

2023-03-23T14:41:37+0300