Казан марафонында 30 меңгә кадәр кеше катнашырга мөмкин

Казан марафонында 30 меңгә кадәр кеше катнашырга мөмкин

<p> </p> <div class="detail-picture"> <img src="/upload/iblock/722/72258f4a342e41d884c66f92243a7399.jpg"> <p class="detail-picture__caption"> Фото: Марат Мөгыйнов </p> </div> Агымдагы елның май аенда узачак X Казан марафонында 30 меңгә кадәр атлет катнашырга мөмкин. Бу хакта ТР Спорт министрлыгы башлыгы Владимир Леонов хәбәр итте. <p> </p> <p> «Бүген беренче марафонны ничек оештырганыбызны искә төшерәбез. Ул вакытта ярышларда, ялгышмасам, мең ярымга якын кеше катнашты. Соңгы елларда Татарстанда һәм аннан читтә йөгерү хәрәкәте шактый үсте, быел без 30 мең йөгерүчене колачларга омтылабыз», – диде министр. </p> <p> Казан марафоны 11 нче һәм 12 нче майда узачак. Анда катнашучылар марафон (42,2 километр) һәм ярыммарафон (21,1 километр) дистанцияләренә, шулай ук 3 һәм 10 километр дистанцияләргә йөгерә алачак. Теркәлү <a href="https://timerman.org/event/KazanMarathon2024">сылтама</a> буенча. </p> <br>

2024-04-24T10:33:09+0300