Казан Кремлендә Илдус Мортазинның Terra Bular күргәзмәсе ачыла

Казан Кремлендә Илдус Мортазинның Terra Bular күргәзмәсе ачыла

<p> </p> <div class="detail-picture"> <img src="https://kzn.ru/upload/iblock/034/6-Techenie-870.jpg"> <p class="detail-picture__caption"> Фото: «Казан Кремле» музей-тыюлыгы </p> </div> <p> </p> <p> (Казан шәһәре KZN.RU, 26 нчы апрель). 29 нчы апрельдә Казан Кремле территориясендә татар халкының һәм Татарстан Республикасы дәүләтчелеге тарихы музеенда Түбән Кама рәссамы Илдус Мортазинның Terra Bular күргәзмәсе ачыла. Ул Идел буе Болгар дәүләтендә ислам динен кабул итүгә 1100 ел тулуга һәм Россия халыкларының халык сәнгате һәм матди булмаган мәдәни мирас елына багышлана. </p> <p> Экспозициядә рәссамның «Кол Гали», «Идел буе Болгарын яклаучылар», «Иделдә болгарлар», «Диңгез аръягы сәүдәгәрләре», «Тыныч күк» һ.б. тарихи темага 23 эше тәкъдим ителәчәк. Сәнгать эшләренең төп сюжетлары – болгарларның Иделгә күченүе, болгар сугышчылары, тыныч тормыш, сәүдә, исламны раслау. </p> <p> Күргәзмә 14:00 сәгатьтә ачыла, дип хәбәр итә «Казан Кремле» музей-тыюлыгының матбугат хезмәте. </p> <p> Илдус Мортазин – Татарстанның атказанган сәнгать эшлеклесе, Россия һәм Татарстан Рәссамнар берлеге әгъзасы. Халыкара һәм Бөтенроссия күргәзмәләре катнашучысы. Аның эшләре Россиянең күп кенә дәүләт һәм корпоратив коллекцияләрендә саклана. </p> <p> Күргәзмә өчен исем Венгриянең XII гасыр әсәре юлларыннан табылган. Анда венгрларның җирләренә ерак Terra Bular – Биләр җиреннән болгар-мөселманнарның күченүе турында сөйләнә. </p>

2022-04-26T12:32:15+0300