Казанның Сугыш ветераннары госпиталендә 103 яшьлек пациентны пневмониядән дәвалаганнар

Казанның Сугыш ветераннары госпиталендә 103 яшьлек пациентны пневмониядән дәвалаганнар

<p> </p> <div class="detail-picture"> <img src="https://kzn.ru/upload/iblock/3d6/3d679461d986b2d3a77b13678ddb8467.jpeg"> <p class="detail-picture__caption"> Фото: Казанның Сәламәтлек саклау идарәсе </p> </div> <p> </p> <p> (Казан шәһәре KZN.RU, 24 нче ноябрь). Казанның Сугыш ветераннары госпиталендә 103 яшьлек пациентны пневмониядән дәвалаганнар. Мәрьям Надыршинаны хастаханәгә ашыгыч медицина ярдәме бригадасы 13 нче ноябрьдә алып килә. </p> <p> «Шикаятьләр, анамнез мәгълүматлары һәм лаборатория тикшеренүләре нигезендә «уртача авырлыктагы ике яклы пневмония» диагнозы куелды. Беренче берничә көн пациент кислород маскасы аша сулады. Алга таба кислород ярдәменә мохтаҗ булмады», – дип уртаклашты медицина учреждениесе табибы Миләүшә Фазлыева. </p> <p> 103 яшьлек пациент антибактериаль терапия ярдәмендә мөстәкыйль йөри башлаган. Палатада йөри, коридорга чыга һәм госпиталь территориясендә туганнары белән бергә хәрәкәт итә алган. Мәрьям Надыршинаны кичә өенә чыгарганнар. </p> <p> ТР Сәламәтлек саклау министрлыгының Казан Сәламәтлек саклау идарәсе хәбәр иткәнчә, 2020 елда Республика клиник инфекцион хастаханәсендә өлкән яшьтәге ханымны коронавирустан дәвалаган булганнар. </p>

2023-11-24T16:20:55+0300